Maganin Ciwon Hakori:

Ciwon hakori wata matsala ce da mutane da dama ke fama da ita a lokuta daban-daban na rayuwa. Yana iya kasancewa me zafi kadan ko kuma mai tsanani har ya hana mutum bacci ko cin abinci. A cikin wannan rubutu, za mu yi bayani dalla-dalla game da ciwon hakori, dalilansa, alamominsa, har ma da maganin ciwon hakori na gida da kuma na asibiti.

---

Menene Ciwon Hakori?

Ciwon hakori na nufin zafi ko ciwo da ke faruwa a cikin ko kusa da hakori. Wannan ciwon yana iya samo asali daga kumburin ciki, rauni, ko ciwon ƙashi da ke goyon bayan hakoran mutum.

---

Alamomin Ciwon Hakori

• Zafi mai tsanani a hakori ko kuma yankin da ke kewaye da shi

• Jin zafi lokacin da kake cin abinci ko shan abu mai sanyi/mai zafi

• Jin ƙaiƙayi ko kaikayi a cikin bakinka

• Kumburi a fuskarka ko kuncinka

• Jin zafin kai ko ciwon kunnen da bai da alaƙa da kunne

• Warin baki mara daɗi

• 
  

---

Dalilan Ciwon Hakori

1. Ciwon ƙari (tooth decay)

2. Ciwon gaɓar hakori (gum disease)

3. Hakori da ya karye ko ya tsage

4. Hakori da bai fito da kyau ba (impacted tooth)

5. Matsin lamba daga hakora masu cunkoso

6. Ƙwayoyin cuta ko infection a jikin hakori

---

Hanyoyin Maganin Ciwon Hakori a Gida

Wadannan hanyoyi na iya rage radadin ciwon kafin ka kai ga ganin likita.

 

1. Saka Gishiri a Ruwa (Saltwater Rinse)

Saka cokali ɗaya na gishiri a cikin ruwan ɗumi, ka wanke bakinka da shi. Yana rage kumburi da ƙwayoyin cuta.

2. Amfani da Clove (Kanumfari)

Kanumfari na dauke da sinadarin eugenol wanda ke kashe ƙwayoyin cuta. Ana iya dan saka kanumfari a wajen da ke ciwo, ko kuma amfani da clove oil.

3. Ruwan Tafasasshen Citta da Lemon Tsami

Citta da lemon tsami suna maganin kumburi. Ana iya danna su tare a dafa, sai asha ruwan da kuskure baki. Wannan ma na daya daga cikin Maganin Ciwon Hakori.

4. Sanya Ice Pack

A saka kankara a cikin leda, ka daura a fuskarka kusa da hakorin da ke ciwo. Wannan yana rage kumburi da zafi. shima wannan na daga cikin Maganin Ciwon Hakori na gida.

5. Amfani da Allurar Paracetamol ko Ibuprofen

Wadannan magungunan rage zafi na asibiti za su iya taimaka wa har sai ka samu damar zuwa wurin likita.

---

Maganin Ciwon Hakori Na Asibiti

Idan ciwon hakori ya wuce misali, ko yana da alaka da infection, to wajibi ne a ga likita.

 

Ayyukan da Likitan Hakori zai Iya Yi:

• Cleaning da filling: Zai cire ɓarnar ƙari ya cike wajen (filling).

• Root canal: Idan infection ya shiga cikin hakori sosai.

• Cire hakori (Extraction): Idan hakorin ya lalace sosai.

• Antibiotics: Idan akwai infection, za a ba ka maganin kashe ƙwayoyin cuta.

• 
  

---

Yadda Ake Kariya Daga Ciwon Hakori

• Wanke baki sau biyu a rana da man goge baki mai fluoride

• Yin amfani da dental floss

• Gujewa cin sikari da kayan zaƙi da yawa

• Ziyarar likitan hakori sau ɗaya ko sau biyu a shekara

• Shan ruwa sosai, musamman bayan cin abinci

• 
  

---

Shin Maganin Gargajiya na da Tasiri?

Eh, wasu magungunan gargajiya kamar kanumfari, citta, da ruwan gishiri na taimakawa sosai wajen rage ciwo. Amma bai kamata a dogara da su gaba ɗaya ba, musamman idan ciwon ya tsananta.

---

Kammalawa

Ciwon hakori matsala ce da ya kamata a dauki mataki a kai cikin gaggawa. Duk da cewa magungunan gida suna iya rage ciwo na ɗan lokaci, dole ne a ga likitan hakori domin samun cikakken waraka. Tsaftace baki da ziyartar likita lokaci-lokaci zai taimaka wajen guje wa irin wannan matsala.

---

Ka tuna: Kada ka ƙi ganin likita idan ciwon hakori ya ɗauki fiye da kwana biyu, ko yana tafiya da zazzabi, kumburi, ko wahalar buda baki.